بالی ووڈ اداکارہ سنی لیون نے رکشا بندھن کے تہوار اور راکھی باندھنے کی تصاویر سوشل میڈیا پر شیئر کی ہیں۔

انہوں نے رکشا بندھن کا تہوار اپنے گھر منایا جس میں ان کی فیملی، دوست اور سیکیورٹی کے انچارچ یوسف اباہیم بھی شریک تھے۔

تصاویر میں ان کے شوہر دانیال،  ان کے بچے نیشا، عاشر اور نوح کو بھی دیکھا جا سکتا ہے۔

ان کی بیٹی نیشا نے پھولوں والا کرتہ زیب تن کر رکھا تھا اور وہ اپنے دو بھائیوں کی کلائی پر راکھیاں باندھ رہی ہیں، سنی لیون اور دانیال نے 2017 میں نیشا کو گود لیا تھا جبکہ ان کے بیٹے نوح اور عاشر بعد میں پیدا ہوئے۔

اداکارہ نے اپنے دوستوں کو بھی راکھی باندھی جس میں ان کے اسٹائلسٹ ہیتیندر کاپوپارہ ، میک اپ آرٹسٹ ٹوماس موکا اور یوسف شامل تھے۔

یوسف نے اپنے انسٹاگرام پر لکھا کہ  رکشا بندھن کی خوبصورتی کو بیان کرنے کے لئے الفاظ نہیں، انسانیت میں رشتے کی خالص ترین شکل میری سب سے چھوٹی بہن نیشا، آپ سب سے غیر مشروط محبت ہے۔

یوسف نے بالی ووڈ کی کئی مشہور شخصیات جیسے عالیہ بھٹ ، شاہد کپور اور ورون دھون کے لئے کام کیا ہے ، جو ان کی سیکورٹی کا خیال رکھتے تھے۔