امریکی گلوکارہ ٹیلر سوئفٹ کا پیچھا کرنے والے شخص کو مبینہ طور پر ان کے نیو یارک اپارٹمنٹ بلڈنگ سے گرفتار کرلیا گیا ہے۔

 غیر ملکی خبر رساں ادارے کے مطابق پیٹرک نیسن نامی 28 سالہ شخص گلوکارہ کا پتہ لگانے کے لئے بذریعہ بس نیبراسکا اپنے گھر سے نیویارک گیا تھا۔

پولیس نے دعویٰ کیا کہ اس شخص کے عمارت میں بغیر اجازت کے پائے جانے کے بعد دوسری ڈگری کے جرم کا الزام عائد کیا گیا ہے۔

پولیس نے بتایا کہ ملزم کوسیکیورٹی گارڈ نے دیکھا اور جب اس نے محسوس کیا کہ نیسن عمارت میں بغیر اجازت کے داخل ہوا ہے تو اس نے پولیس کو فون کیا جس پر اسے جائے وقوعہ سے گرفتار کر لیا گیا۔

پولیس کے مطابق  اسے گلوکارہ سے محبت تھی، جوکہ اس وقت گھر پر نہیں تھیں اور یہ بھی بتایا کہ گلوکارہ کی تصاویر اس شخص کے انسٹاگرام پیج پر موجود ہیں۔