اداکارہ فریال محمود کا کہنا ہے کہ اداکارہ سونیا حسین کو مجھ سے پروفیشنل جیلسی ہے۔

اداکارہ نے گلوکاراحمد جہانزیب کے ہمراہ ایک شو میں شرکت کی جہاں ایک سیگمنٹ کے دوران انہیں مرچ کھاتے ہوئے میزبان کے سوالوں کے جوابات دینے تھے۔

میزبان نے فریال محمود سے ان کے اور اداکارہ سونیا حسین کے درمیان تنازع سے متعلق سوال پوچھتے ہوئے کہا کہ فلم سوری میں آپ کو سونیا حسین کی جگہ کاسٹ کرلیا گیا تھا اور پھر سونیا نے ایک شو میں آپ کو پہچاننے سے ہی انکار کردیا تھا اس کی وجہ کیا ہے؟

اداکارہ نے کہا کہ سونیا حسین نے ایک بار نہیں بلکہ دو بار مجھے پہچاننے سے انکار کیا ہے ،سونیا حسین مجھے نہیں جانتیں لیکن میں انہیں بہت اچھی طرح جانتی ہوں ہم دونوں نے ایک ساتھ کام کیا ہے۔

فریال محمود نے کہا کہ بدقسمتی سے ایک بار مجھے ان کی جگہ کاسٹ کرلیا گیا تھا جس کے بعد سونیا حسین نے میرے موٹاپے کا مذاق اڑایا جب میں موٹی تھی لیکن یہ بات بہت پرانی ہوگئی لیکن اب ایک دم سے سونیا حسین شو میں کہتی ہیں کہ مجھے نہیں جانتیں پر میں انہیں بہت اچھی طرح جانتی ہوں وہ بہت اچھی اداکارہ ہیں۔

فریال محمود نے مزید کہا کہ مجھے نہیں معلوم سونیا حسین کو مجھ سے کیا مسئلہ ہے لیکن کوئی بات نہیں یہ پروفیشنل جیلسی ہے اور مجھے سونیا حسین پسند ہیں۔