پاکستان شوبز انڈسٹری کے سینئر اداکار منظر صہبائی نے سوشل میڈیا پر اپنی اہلیہ سینئر اداکارہ ثمینہ احمد کے لئے اپنی محبت کا اظہار کیا ہے۔

انسٹاگرام اکاؤنٹ پر اپنے ایک پوسٹ میں منظر صہبائی نے ثمینہ احمد سے اپنی محبت کا اظہار کرتے ہوئے  انہیں اپنی جان کہا ہے۔

منظر صہبائی نے پوسٹ میں اپنی اہلیہ کی تصویر شیئر کی ہے ۔

تصویر شیئر کرتے ہوئے اداکار نے ان سے  اپنی محبت کا اظہار کرنے کے لئے جو کیپشن استعمال کیا ہے وہ کچھ یوں ہے،’آپ کی تعریف میں کیا کہیں، آپ ہماری جان بن گئے‘۔

منظر صہبائی کے اس پوسٹ اور محبت بھرے انداز کو مداحوں سمیت شوبز انڈسٹری کے اداکاروں نے بھی بہت پسند کیا ہے اور منظر صہبائی  اور ان کی اہلیہ کے لئے نیک تمناؤں اور محبت کا اظہار کیا ہے۔

اس فنکار جوڑی کی جانب سے اکثر اوقات ہی ایک دوسرے کے ساتھ تصویریں اور محبت بھرے پیغامات سوشل میڈیا پر شیئر کیے جاتے رہتے ہیں جس سے اُن کے مداح بھی خوب متاثر ہوتے ہیں۔

منظر صہبائی کی اس پوسٹ پر جہاں دیکھتے ہی دیکھتے ہزاروں لائیکس آ گئے ہیں وہیں اُن کے مداحوں سمیت شوبز انڈسٹری کی معروف شخصیات کی جانب سے بھی اس تصویر کی خوب تعریفیں کی جا رہی ہیں۔

واضح رہے کہ اداکار منظر صہبائی اور سینئر اداکارہ ثمینہ احمد نے 2020ء کے اپریل میں کورونا لاک ڈاؤن کے دوران سادگی سے شادی کی تھی۔