پاکستانی ڈرامہ انڈسٹری کی مشہور ترین جوڑی، عائزہ خان اور دانش تیمور کی شادی کو 7 سال کا عرصہ مکمل ہوچکا ہے۔

اس موقع پر دونوں نے اپنے انسٹاگرام پوسٹ کے ذریعے ایک دوسرے کو شادی  کے 7 سال مکمل ہونے پر مبارکباد دی ہے۔

اپنے پیغام میں عائزہ اور دانش نے ایک دوسرے سے محبت کا اظہار بھی کیا ہے اور اپنے ایک خصوصی شوٹ کی تصاویر بھی شیئر کی ہیں۔

دوسری جانب دانش تیمور نے عائزہ خان کی تصویر شیئر کی ہے اور ان سے اپنی بے لوس محبت کا اظہار بھی کیا ہے۔

تصویر کے ساتھ دانش تیمور نے عائزہ خان کو مخاطب کرتے ہوئے لکھا کہ سات سال پہلے میں نے تمہیں شادی کے جوڑے میں دیکھا تھا، تم بہت خوبصورت لگ رہی تھیں۔

انہوں نے کہا ہے کہ اس دن سے آج تک میں تمہیں اسی طرح دیکھتا ہوں جیسے پہلی مرتبہ دیکھا ہو۔

خیال رہے کہ عائزہ خان اور دانش تیمور کی جوڑی پاکستانی شوبز انڈسٹری کی معروف جوڑی ہے۔

سات سال قبل دونوں فنکار رشتہ ازدواج میں منسلک ہوئے تھے۔ دونوں کی شادی بہت دھوم دھام سے ہوئی تھی۔