پاکستان شوبز انڈسٹری کی مقبول ترین جوڑی حمزہ علی عباسی اور نیمل خاور عباسی کی شادی کو دو برس مکمل ہوگئے ہیں۔

گزشتہ روز شادی کی دوسری سالگرہ کے موقع پر جوڑے نے گھر پر ہی کیک کاٹا جس کی ویڈیو نیمل خاور نے اپنی انسٹاگرام اسٹوری کی زینت بنائی۔

 نیمل نے حمزہ کے ساتھ ایک مِرر سیلفی شیئر کرتے ہوئے لکھا کہ ہمیں ایک ساتھ دو برس گزارنے کی مبارکباد۔

دوسری جانب حمزہ علی عباسی نے نیمل خاور کے ہمراہ تصویر انسٹاگرام اسٹوری پر شیئر کرتے ہوئے لکھا کہ شادی کی دوسری سالگرہ اللہ کا شُکر۔

یاد رہے کہ حمزہ علی عباسی اور نیمل خاور عباسی کے ہاں 30 جولائی 2020  کو بیٹے کی پیدائش ہوئی تھی۔

شادی سے پہلے نیمل پاکستان شوبز انڈسٹری میں ایک نمایاں مقام رکھتی تھیں لیکن شادی کے بعد انہوں نے شوبز سے کنارہ کشی اختیار کرلی ہے۔

یہ جوڑا 25 اگست 2019 کو سادگی سے وفاقی دارالحکومت اسلام آباد میں منعقدہ شادی کی تقریب میں رشتۂ ازدواج میں منسلک ہوا تھا۔