شوبز انڈسٹری سے کنارہ کشی اختیار کرنے والی سابقہ اداکارہ نور بخاری کا کہنا ہے کہ انہیں آج بھی ایک ڈرامے میں پیشکش کے بعد اسے ٹھکرانے پر افسوس ہے۔

نور بخاری نے اپنے حالیہ انٹرویو میں کہا کہ ڈرامہ سیریل الف اللہ اور انسان میں انہیں اداکاری کی پیشکش ہوئی تھی جسے انہوں نے ٹھکرادیا تھا۔

سابقہ اداکارہ کا کہنا ہے کہ انہیں اس ڈرامے میں ایک طوائف کا کردار نبھانا تھا، جسے انہوں نے قبول نہیں کیا تھا اور پھر ان کی جگہ اداکارہ ثناء فخر نے یہ کردار ادا کیا تھا۔

نور بخاری نے اس ڈرامے کے حوالے سے بات چیت کرتے ہوئے کہا کہ آن ایئر ہونے کے بعد جب انہوں نے یہ ڈرامہ ٹی وی پر دیکھا تو اسے ایک شاندار پراجیکٹ پایا۔

انہوں نے کہا کہ اس ڈرامے میں کام نہ کرنے کے فیصلے پر آج بھی پچھتاوا ہے۔