بالی ووڈ اداکار  سیف علی خان کے گھر خوشیوں کا سماں چھا گیا،اداکار آج اپنی 51 ویں سالگرہ منارہے ہیں۔

بھارتی میڈیا رپورٹس کے مطابق سیف علی خان اپنی اہلیہ کرینہ کپور اور دونوں بیٹوں تیمور اور جہانگیر سمیت سیروتفریح کے لئے مالدیپ میں موجود ہیں۔

سیف علی خان کی سالگرہ پر اداکار کرینہ کپور نے انسٹاگرام پر فیملی کی تصاویر شیئر کرتے ہوئے شوہر کو سالگرہ کی مبارکباد دی ہے۔

ایک تصویر میں سیف اور کرینہ کے ہمراہ دونوں بیٹوں تیمور اور جہانگیر کو بھی دیکھا جاسکتا ہے جبکہ تصویر مالدیپ کے ساحل پر لی گئی ہے۔

اداکارہ نے اپنی پوسٹ میں سیف کو مبارکباد دیتے ہوئے لکھا کہ میری زندگی کی محبت سالگرہ مبارک ہو۔

اداکارہ کرینہ کپور کی پوسٹ کو کچھ ہی گھنٹوں میں 6 لاکھ سےزائد مرتبہ پسند کیا جاچکا ہے۔