بھارتی ٹی وی کا جانا پہچانا چہرہ اور بگ باس 13 کے فاتح سدھارتھ شکلا کی موت کے بعد اُن کا 4 سال پُرانا ٹوئٹ سوشل میڈیا پر وائرل ہوگیا ہے۔

گزشتہ روز دل کا دورہ پڑنے کی وجہ سے دُنیا سے کوچ کرجانے والے بھارتی اداکار سدھارتھ شکلا کی موت کے بعد سے اُن کا پُرانا ٹوئٹ وائرل ہوگیا ہے جس میں اُنہوں نے کہا تھا کہ موت انسان کے لئے سب سے بڑا نقصان نہیں ہے۔

24  اکتوبر 2017ء کو کیے گئے ٹوئٹ میں سدھارتھ شکلا نے کہا تھا کہ موت زندگی کا سب سے بڑا نقصان نہیں ہے، سب سے بڑا نقصان وہ ہوتا ہے جو ہمارے اندر رہتے ہوئے مر جاتا ہے۔

Death is not the greatest loss in life .The greatest loss is what dies inside of us while we live…..

Advertisement

— Sidharth Shukla (@sidharth_shukla) October 24, 2017

سدھارتھ کے اس ٹوئٹ کو اُن کے لاکھوں مداح اُن کے فین پیجز پر شیئر کر کے اداکار کو یاد کر رہے ہیں۔

اداکار کے مداحوں اور دوستوں کا کہنا ہے کہ وہ ایک مضبوط شخصیت کے مالک تھے، اُنہیں کبھی موت کا خوف نہیں تھا۔

واضح رہے کہ گزشتہ روز بھارت کے مقبول ترین رئیلیٹی شو بگ باس کے سیزن 13 کے فاتح سدھارتھ شُکلا 40 برس کی عمر میں اچانک دل کا دورہ پڑنے کے باعث چل بسے۔

بھارتی میڈیا رپورٹس کے مطابق سدھارتھ نے سونے سے پہلے کچھ دوائیاں لیں جس کے بعد وہ بیدار نہ ہوئے ،خاندانی ذرائع نے اداکار کی موت کی وجہ ہارٹ اٹیک بتائی ہے۔