فلسطینی نژاد امریکی سپر ماڈل جی جی حدید کے اسٹائل کے جلوؤں نے نیو یارک فیشن ویک میں مداحوں کے دل جیت لیے۔

جی جی حدید ستاروں کی چکاچوند روشنی سے بھرے اس ایونٹ میں جب  میکسی پہنے ریمپ پر واک کرتے ہوئے جلوہ گر ہوئیں تو شرکاء ان کے خوبصورت اسٹائل سے متاثر ہوئے بغیر نہ رہ سکے۔

امریکی سپر ماڈل نے نیلے اور پیلے رنگ کی میکسی کے ساتھ سیاہ رنگ کا زِپ والا ٹاپ پہنا ہوا تھا ، بغیر میک اَپ اور کُھلے بالوں میں جی جی حدید بہت ہی خوبصورت نظر آرہی تھیں۔

واضح رہے کہ جی جی حدید کئی برسوں سے برطانوی گلوکار زین ملک کے ساتھ ہیں اور گزشتہ سال ستمبر میں ان کے ہاں ایک بیٹی کی پیدائش بھی ہوئی ہے۔