پاکستان کی معروف ٹک ٹاک اسٹار حریم شاہ نے اپنے شوہر کے ہمراہ اپنی تصویر شیئر کردی ہے۔

رپورٹس کے مطابق ٹک ٹاک اسٹار حریم شاہ نے اپنے سوشل میڈیا اکاؤنٹ پر اپنی ایک تصویر شیئر کی ہے جس میں وہ کسی شخص کے ساتھ دیکھائی دی ہیں۔

اس تصویر کو شیئر کرتے ہوئے حریم شاہ نے کیپشن میں ’میری زندگی‘ کا لفظ استعمال کیا ہے۔

تصویر میں دیکھا جا سکتا ہے کہ حریم شاہ نے اُس شخص کے کندھے پر سر رکھا ہوا ہے اور وہ بہت خوش نظر آرہی ہیں۔

بعدازاں حریم شاہ نے ایک اور تصویر شیئر کی ہے جو کہ اسی شخص کی ہے جس کو انہوں نے اپنا شوہر بتایا ہے۔

تصویر کے حوالے سے ٹک ٹاک اسٹار حریم شاہ کا کہنا ہے کہ یہ ان کے شوہر ہیں جن کا تعلق پاکستان پیپلز پارٹی سے ہے اور یہ کراچی میں رہتے ہیں۔

علاوہ ازیں ٹک ٹاک اسٹار حریم شاہ نے اپنے سوشل میڈیا اکاؤنٹ سے ایک ویڈیو بھی شیئر کی ہے جس میں ان کے شوہر کو دیکھا جاسکتا ہے۔

خیال رہے کہ ٹک ٹاک اسٹار حریم شاہ نے اپنی شادی کی خبر سناتے ہوئے کہا تھا کہ وہ اپنے شوہر کا نام نہیں بتائیں گی ۔