معروف گلوکارہ و اداکارہ حدیقہ کیانی نے گلوکاری اور اداکاری کی دُنیا کے بعد اب سوشل میڈیا پر بھی سنگِ میل عبور کرلیا ہے۔

گلوکارہ نے فوٹو اینڈ ویڈیو شیئرنگ ایپ انسٹاگرام پر اپنی کچھ تصویریں شیئر کیں جن میں اُن کے ہاتھ میں یوٹیوب کی جانب سے ملنے والا سلور بٹن موجود ہے۔

یہ بٹن  یوٹیوب عہدیداروں کی جانب سے گلوکارہ و اداکارہ حدیقہ کیانی کو اُن کے سبسکرائبرز بڑھنے کی وجہ سے دیا گیا ہے۔

پوسٹ کے کیپشن میں اپنے سبسکرائبرز سے مخاطب ہوتے ہوئے حدیقہ کیانی نے لکھا کہ میرے یوٹیوب سبسکرائبرز کا بہت بہت شکریہ، ہمیں بالآخر اپنا پہلا یوٹیوب پلے بٹن موصول ہوگیا ہے۔

اُنہوں نے لکھا جیسا کہ آپ میں سے بہت سے لوگ جانتے ہیں، ہم یوٹیوب چینل پر ویڈیوز شیئر کر رہے ہیں لیکن بہت جلد کچھ نئی ریلیز کے لئے تیار رہیں۔

گلوکارہ نے لکھا کہ آپ سب کی محبت اور صبر کا شکریہ، میں آپ سب کی جتنی تعریف اور شکریہ کروں وہ کم ہے۔

واضح رہے کہ حدیقہ کیانی نے حال ہی میں اپنے ڈیبیو ڈرامہ سیریل رقیب سے میں جلوہ گر ہوکر اداکاری کی دُنیا میں قدم رکھ دیا ہے۔