پاکستانی اداکار احسن محسن اکرام نے اپنی شادی کے حوالے سے بڑا انکشاف کرتے ہوئے سوشل میڈیا صارفین کو اپنی زندگی کے متعلق آگاہ کیا ہے۔

اداکار احسن محسن اکرام نے حال ہی میں سوشل میڈیا پر اپنی اپنے مداحوں کے ہمراہ سوال جواب کے ایک سیشن کا انعقاد کیا جس میں اداکار نے مداحوں کو ان سے کوئی بھی سوال کرنے کی اجازت بھی دی۔

اس سیشن میں ایک صارف نے اداکار احسن محسن سے ان کی شادی شدہ زندگی کے حوالے سے سوال کیا تھا۔

صارف نے احسن محسن سے پوچھا کہ ’آپ کو شادی کے بعد کیسا لگ رہا ہے؟‘ جبکہ ایک اور صارف نے بیوی کے متعلق سوال کرتے ہوئے پوچھا کہ ’آپکی بیوی منال خان کیسی ہیں؟‘

جس پر اداکار احسن محسن نے بتایا کہ ’بہت اچھا ‘ لگ  رہا ہے اور منال خان کے حوالے سے جواب دیتے ہوئے اداکار کا کہنا تھا کہ ’The Best’۔

اسی دوران ایک صارف نے احسن سے ان کی شادی کے حوالے سے سوال کیا کہ ’کیا آپ نے محبت کی شادی کی ہے؟

جس کا جواب دیتے ہوئے اداکار احسن محسن نے بتایا کہ ’ شادی پسند کی ہی ہونی چاہیئے‘۔

بعدازاں ایک صارف نے اداکار کو شادی کی بہت ساری مبارکباد پیش کی جبکہ ایک صارف نے احسن سے ہنی مون کے حوالے سے سوال کیا تھا۔

ہنی مون کے حوالے سے کئے جانے والے سوال پر اداکار احسن محسن اکرام نے جواب میں بس اتنا کہا کہ جلد معلوم ہوجائے گا۔

واضح رہے کہ اداکار احسن محسن اکرام اور اداکارہ منال خان کی رواں ماہ 10 ستمبر کے روز شادی ہوئی ہے جبکہ ان کا ولیمہ 12 ستمبر کو منعقد ہوا تھا۔