پاکستانی بلے باز آصف علی کی  افغانستان کے خلاف میچ میں بہترین کارکردگی پر شوبز شخصیات نے ردعمل ظاہر کیا ہے۔

گزشتہ روز افغانستان کے خلاف ہونے والے میچ میں آصف علی کی جانب سے شاندار اننگز کھیلتے ہوئے پاکستان کو ناقابل یقین فتح دلائی گئی جس پر شوبز شخصیات نے بھی بلے باز کی صلاحیتوں کو خوب سراہا ہے۔

آصف علی کے حوالے سے پاکستانی گلوکار علی ظفر نے اپنے ایک پیغام میں ان کے کامل یقین کی خوب حوصلہ افزائی کی ہے۔

Ye Kya level hai Asif Ali ? #AsifAli #PakvsAfg #T20WorldCup pic.twitter.com/CR0mQpXTdu

Advertisement

— Ali Zafar (@AliZafarsays) October 29, 2021

علی ظفر نے کہا ہے کہ یہ کیسی خود اعتمادی ہے جس نے کھیل کا نقشہ ہی بدل کر رکھ دیا ہے۔

انہوں نے مزید کہا کہ آخری چند گیندوں پر 4 چھکے مار کر فتح پاکستان کے نام کردی، آصف علی یو بیوٹی۔

اسکے علاوہ پاکستان کی بہترین اداکارہ صباء قمر نے بھی افغانستان کے خلاف میچ میں آصف علی کی کارکردگی کو خوب سراہتے ہوئے ایک پیغام جاری کیا  ہے۔

Advertisement

What a match! 🤩@AasifAli2018 you beauty! 🧿
PAKISTAN, ZINDABAAD 🇵🇰 🤍#AfgvsPak #PakvsAfghanistan #Pakistan #asifali

— Saba Qamar (@s_qamarzaman) October 29, 2021

اداکارہ صباء قمر نے کہا ہے کہ میچ دیکھا لیکن آصف علی آپ بہترین ہیں۔

اپنے ایک اور پیغام میں اداکارہ نے پاکستانی ٹیم کو افغانستان کے خلاف میچ جیتنے پر مبارکباد بھی پیش کی ہے اور کہا ہے کہ  یہ ہے میرا پاکستان۔

Ye mera Pakistan hai! 💚
Congratulations Pakistaniyo! ♥️🇵🇰 #PakvsNz #Congratulations #PakistanCricket

— Saba Qamar (@s_qamarzaman) October 26, 2021