دنیا بھر میں مقبول معروف یوٹیوبر شاہ ویر جعفری رشتۂ ازدواج میں منسلک ہوگئے۔

گزشتہ شب شاہ ویر جعفری اپنی منگیتر عائشہ بیگ کے ساتھ رشتۂ ازدواج میں منسلک ہوگئے ہیں جس کی تصاویر اور ویڈیوز سوشل میڈیا پر وائرل ہوگئی ہیں۔

شاہ ویر جعفری نے فوٹو اینڈ ویڈیو شیئرنگ ایپ انسٹاگرام پر اپنی شادی کی چند تصاویر شیئر کی ہیں جن میں وہ اور اُن کی اہلیہ بےحد دلکش لگ رہی ہیں۔

شاہ ویر جعفری نے اپنی پوسٹ کے کیپشن میں لکھا کہ میں اب شادی شدہ ہوں۔

اس موقع پر شاہ ویر جعفری نے اللّٰہ تعالیٰ کا شُکر بھی ادا کیا۔

واضح رہے کہ شاہ ویر جعفری نے اپنی زندگی کے سب سے خاص موقع پر سیاہ رنگ کی شیروانی کا انتخاب کیا جبکہ اُن کی دُلہن عائشہ بیگ نے سُرخ رنگ کا خوبصورت عروسی لباس زیب تن کیا ۔