کروز شپ منشیات کے کیس میں شاہ رخ خان کے بیٹے آریان کی دگر ملزمان کے ساتھ گرفتاری کے بعد این سی بی کی جانب سے چھاپوں کا سلسلہ جاری ہے۔

غیر ملکی میڈیا رپورٹس کے مطابق نارکوٹکس بیورو کے حکام نے کیس کے سلسلے میں بھارتی فلم ساز امتیاز کھتری کے گھر اور دفتر پر بھی چھاپہ مارا ہے۔

این سی بی نے جمعے کے روز ممبئی کے علاقے باندرہ میں امتیاز کھتری کے گھر اور دفتر پر چھاپہ مارا جس کی اطلاع نارکوٹکس حکام نے ہفتے کے روز باضابطہ طور پر دی۔

این سی بی حکام نے دورانِ تفتیش ملزم اچت کمار کی نشاندہی پر امتیاز کھتری کے گھر اور دفتر پر چھاپہ مارا۔

حکام نے امتیاز کھتری کو ہفتے کو دفتر میں پیش ہونے کا بھی حکم دیا ہے۔

اس موقع پر این سی بی ممبئی زون کے ڈائریکٹر کا کہنا تھا کہ نارکوٹکس کنٹرول بیورو اور پراسیکیوشن اس کیس کو منطقی انجام تک پہنچائیں گے۔