پاکستانی نامور ٹک ٹاکر جنت مرزا کی بہن علشبہ انجم نے اپنی ویڈیو کے دوران ایک شخص کو تھپڑ مارا ہے جس کی ویڈیو کافی تیزی سے سوشل میڈیا پر وائرل ہورہی ہے ۔

اس واقعے کی ویڈیو بھی موصول ہوچکی ہے جس میں انہیں تھپڑ مارتے ہوئے دیکھا جاسکتا ہے۔

اس ویڈیو میں دیکھا جاسکتا ہے کہ علشبہ انجم ایک ویڈیو کے لئے ڈانس کر رہی ہیں جبکہ ان کی بہن جنت مرزا ان کی ویڈیو بنانے میں مصروف ہیں۔

ڈانس کرتے ہوئے علشبہ انجم آگے کی طرف بڑھتی ہیں اور  ایسے میں پاس کھڑے شخص کے منہ پر ان کا ہاتھ ایک تھپڑ کی طرح پڑتا ہے۔

اس واقعے کے بعد دونوں بہنیں ڈر کر بھاگنے لگتی ہیں اور بھاگنے میں کامیاب ہوجاتی ہیں۔

واضح رہے کہ علشبہ انجم کے ٹک ٹاک اکاؤنٹ کا جائزہ لیں تو اُنہوں نے اب تک متعدد ویڈیوز اپ لوڈ کی ہیں جن پر کروڑوں میں لائکس آئے ہیں۔