پاکستان کی معروف اداکارہ زارا ترین اور پاکستانی نژاد امریکی اداکار فرحان طاہر شادی کے بندھن میں بندھ چکے ہیں۔

زارا ترین اور  فرحان طاہر کی شادی کی تصاویر اور ویڈیوز سوشل میڈیا پر زیرِ گردش ہیں جس میں ان کا کہنا ہے کہ یہ میری زندگی کا بہترین لمحہ ہے۔

شئیر کی گئی ویڈیو میں زارا ترین کو ڈانس کرتے ہوئے بھی دیکھاجاسکتا ہے۔

گزشتہ ہفتے دونوں کی رسمِ مایوں اور مہندی کی تصاویر سوشل میڈیا پر سامنے آئی تھیں۔

ایک تصویر میں اداکار فرحان طاہر اپنی ہونے والی اہلیہ زارا ترین کو انگوٹھی پہنا رہے تھے۔

واضح رہے کہ فرحان طاہر پاکستانی اداکار نعیم طاہر اور یاسمین طاہر کے بیٹے ہیں ، فرحان طاہر نے مشہور ہالی ووڈ فلم اسٹار ٹریک، اسکیپ پلان اور آئرن مین میں اداکاری کے جوہر دکھائے ہیں۔