پاکستان شوبز انڈسٹری کی معروف اداکارہ حنا دلپزیر نے انکشاف کیا ہے کہ اُنہیں شوہر نے غصے کی حالت میں طلاق دی تھی۔

گزشتہ سال اداکارہ نے نجی ٹی وی کے ایک پروگرام میں شرکت کی تھی جہاں اُنہوں نے اپنے کیرئیر سمیت اپنی نجی زندگی کے حوالے سے بھی بات چیت کی۔

حنا دلپزیر نے بتایا کہ انہوں نے پسند کی شادی کی تھی اور وہ اپنے شوہر کی خوبصورتی سے متاثر ہوئی تھیں تاہم شادی کے چند سال بعد حالات بدل گئے اور ان کے اختلافات بڑھ گئے۔

انہوں نے بتایا کہ اُن کے شوہر نے غصے کی حالت میں اُنہیں طلاق دے دی تھی جبکہ ان کا بیٹا صرف 3 سال کا تھا۔

حنا دلپزیر نے کہا کہ طلاق کے بعد معاشرے کی طرف سے بہت سی کڑوی باتیں سُننے کو ملیں اور میری زندگی بہت مشکل ہوگئی تھی

اداکارہ نے بتایا کہ زندگی میں ایک وقت ایسا بھی آیا کہ طلاق یافتہ ہونے کی وجہ سے مجھے کسی شادی میں دلہن کے قریب نہیں بیٹھنے دیا جاتا تھا۔

انہوں نے کہا کہ میں نے خود کو ہی اپنا دوست بنایا کیونکہ میں اپنے دکھ دوستوں یا کنبہ کے افراد کے ساتھ شیئر نہیں کر سکتی تھی، میں نے ایک ریڈیو اسٹیشن پر کام کرنا شروع کیا اور بعد میں ٹیلی ویژن کا رُخ کیا۔

حنا دلپزیر نے کہا کہ میں نے دوبارہ شادی یا محبت کے رشتے میں بندھنے کا نہیں سوچا کیونکہ میں کام اور اپنے بیٹے کی پرورش میں مصروف تھی۔

واضح رہے کہ حنا دلپزیر نے اپنے بیٹے کی اچھی پرورش کر کے اس کی شادی کردی جو کہ ایک خوشحال زندگی گُزار رہا ہے۔