پاکستان شوبز انڈسٹری کی معروف اداکارہ صبا قمر کی طبیعت ناساز ہے جس کے باعث وہ اسپتال میں زیر علاج ہیں۔

صبا قمر نے اپنی انسٹاگرام اسٹوری کے ذریعے مداحوں کو اپنی بیماری کی اطلاع دی ہے ۔

انہوں نے اپنی ایک تصویر بھی شیئر کی جس میں دیکھاجاسکتا ہے کہ انہیں ڈِرپ لگی ہوئی ہے ۔

انہوں نے انسٹاگرام اسٹوری میں بتایا کہ وہ وائرل انفیکشن کا شکار ہوگئی ہیں اور اچھا محسوس نہیں کر رہیں۔

صبا قمر کی اس پوسٹ کے بعد مداح تشویش میں مبتلا ہوگئے اور ان سے طبیعت کے حوالے سے سوال کرنے لگے۔

واضح رہے کہ اداکارہ صبا قمر کو پاکستان سمیت بھارت میں بھی یکساں مقبولیت حاصل ہے۔