بھارتی شوبز انڈسڑی کی ایک اور جوڑی اداکار ویون ڈیسینا اور اداکارہ وہبز دورابجی نے اپنی راہیں جدا کر لیں ہیں۔

اداکار ویون ڈیسینا اور اداکارہ وہبز دورابجی نے اپنی محبت کا آغاز بھارتی ٹی وی شو پیار کی یہ ایک کہانی سے کیا تھا اور اس کے بعد دونوں نے 2013 میں شادی کر لی تھی۔

تاہم شادی کے چند سالوں بعد ہی دونوں کے درمیان اختلافات شدت پکڑنا شروع ہو گئے جس کے باعث دونوں نے 2017 میں چار سال کے بعد باہمی رضامندی سے شادی کو ختم کرنے کا فیصلہ کرتے ہوئے  طلاق کیلئے رجوع کر لیا تھا۔

اب قانونی طور پر اس بھارتی جوڑی نے اپنے مداحوں کو اپنے اس فیصلے کے بارے میں بتادیا اور کہا کہ یہ ہمارا متفقہ فیصلہ ہے اس میں ایک دوسرے پر الزام تراشی کی کوئی وجوہات نہیں ہیں۔

ان دونوں اداکاروں نے اپنے فینز کو سمجھاتے ہوئے درخواست کی کہ ہمارے لئے اپنی نجی زندگی پر بات چیت کرنا مشکل ہے، ہم ماضی کی طرح اپنے مداحوں کی محبت اور سپورٹ کے ساتھ کام کرتے رہیں گے۔