پاکستان کے معروف اداکار یاسر حسین نے مسیحی برادری کو دلچسپ انداز میں کرسمس کی مبارکباد دے دی۔

اداکار نے فوٹو اینڈ ویڈیو شئیرنگ ایپ انسٹاگرام پر اپنی اہلیہ اقراء عزیز اور بیٹے کبیر خان کی ایک ویڈیو پوسٹ کی ہے۔

شئیر کی گئی ویڈیو میں دیکھا جاسکتا ہے کہ اداکارہ اقراء اپنے بیٹے کی ویڈیو بنا رہی ہیں۔

اس ویڈیو کلپ میں کبیر خان لال رنگ کا سوٹ پہنے ہوئے بہت خشگوار موڈ میں نظر آرہے ہیں۔

اس ویڈیو کو شئیر کرتے ہوئے اداکار یاسر حسین نے کیپشن میں لکھا کہ میرے تمام مسیحی بھائیوں اور بہنوں کو کرسمس مبارک ہو اور تما م پاکستانیوں کو یوم قائد مبارک ،اس کے ساتھ ہی انہوں نے کرسمس ٹری کا بھی استعمال کیا۔

اس سے قبل اقراء عزیز نے اپنے بیٹے کی پہلی تصویر سوشل میڈیا پر شیئر کی تھی۔

اداکارہ نے فوٹو اینڈ ویڈیو شئیرنگ ایپ انسٹاگرام پر اپنے 5 ماہ کے بیٹے کی تصویر شئیر کرتے ہوئے لکھا تھا کہ بہت پیار اور محبت کے ساتھ ہم اپنے بیٹے کی تصویر آپ لوگوں کے ساتھ شیئر کر رہے ہیں۔

اداکارہ نے بتایا کہ کبیر حسین کی یہ تصویر اس وقت لی گئی تھی جب وہ 03 ماہ کے تھے۔

دوسری جانب  اداکار یاسر حسین نے بھی اپنے بیٹے کبیر حسین کی نئی تصویر شیئر کی تھی۔

اس تصویر کو شیئر کرتے ہوئے یاسر حسین نے لکھا تھا کہ ملیں میرے نئے ڈرائیور  کبیر حسین سے ۔

اس تصویر پر شوبز شخصیات نے نیک تمناؤں کا اظہار کیا تھا اور دعائیں بھی کی تھیں۔

واضح رہے کہ اقرا عزیز اور یاسر حسین نے اپنے بیٹے کبیر حسین کا انسٹاگرام اکاؤنٹ بھی بنادیا ہے جو کہ کبیر حسین کے نام سے ہے۔

اس اکاؤنٹ سے پہلی پوسٹ بھی جاری کردی گئی ہے ۔