بھارت کے معروف رئیلیٹی شو بگ باس کے سیزن 13 کی معروف کنٹسٹنٹ اور اداکارہ شہناز گِل نے یہ انکشاف کیا ہے کہ سدھارتھ شکلاء نے مجھے مضبوط بنایا اور بہت کچھ سیکھایا ہے۔

اداکاہ نے حال ہی میں اپنے یوٹیوب چینل پر نئی ویڈیو اپلوڈ کی ہے جس میں انہیں بھارت کی معروف شخصیت بی کے شیوانی سے بات کرتے ہوئے دیکھا جاسکتا ہے۔

اُنہوں نے کہا کہ خُدا نے مجھے سدھارتھ سے ملوایا اور پھر ہمیں دوست بنایا تاکہ وہ مجھے زندگی میں کچھ سیکھا سکے، میں پہلے لوگوں کو پہچان نہیں سکتی تھی اور آنکھ بندھ کر کے بھروسہ کرلیتی تھی لیکن سدھارتھ نے مجھے اچھے اور بُرے کا فرق سیکھایا۔

اداکارہ نے کہا کہ سدھارتھ کی دوست بننے کے بعد سے اب میں بہت مضبوط ہوں۔

شہناز گِل نے گفتگو کے دوران بتایا کہ میں اکثر سدھارتھ سے کہتی تھی کہ میں سسٹر شیوانی سے بات کرنا چاہتی ہوں اور وہ ہمیشہ کہتا تھا ہاں ضرور، بس تھوڑا صبر کرو، تم یقیناً اُن سے بات کروگی۔

خیال رہے کہ گزشتہ سال 2 ستمبر کو دل کا دورہ پڑنے کی وجہ سے بھارتی اداکار سدھارتھ شکلاء دُنیا سے رخصت ہوگئے تھے جس کے بعد سے اُن کی گرل فرینڈ شہناز گِل شدید صدمے میں تھیں۔

شہناز گِل اور سدھارتھ کی پہلی ملاقات بگ باس کے سیزن 13 میں ہوئی تھی جہاں دونوں کی دوستی ہوئی اور پھر وہ دوستی محبت میں تبدیل ہوگئی تھی۔