پاکستان شوبز انڈسٹری کے معروف اداکار فیروز خان کی اپنی اہلیہ علیزے کے ساتھ طویل عرصے بعد تصویر سوشل میڈیا پر وائرل ہوگئی ہے۔

سوشل میڈیا کے مختلف پیجز پر گزشتہ چند روز سے ایک تصویر وائرل ہو گئی ہے جس میں فیروز خان کو اہلیہ علیزے کے ساتھ دیکھا جاسکتا ہے۔

یہ تصویر کسی شادی کی تقریب سے لی گئی ہے جس میں شوبز انڈسٹری کی اس جوڑی کے ساتھ دولہا بھی موجود ہے ۔

فیروز خان اور اہلیہ کو طویل مدت بعد ایک ساتھ دیکھ کر سوشل میڈیا صارفین بےحد خوش ہورہے ہیں۔

واضح رہے کہ سال 2020ء میں فیروز خان اور اُن کی اہلیہ علیزے سلطان سے متعلق سوشل میڈیا پر خبریں زیرِ گردش تھیں کہ دونوں کے درمیان علیحدگی ہوگئی ہے لیکن یہ فیصلہ انہوں نے باہمی رضامندی سے کیا تھا تاہم بعد میں اداکار نے ان خبروں کی تردید کردی تھی۔

اداکار فیروز خان اور علیزے فاطمہ 4 سال قبل شادی کے بندھن میں بندھے تھے اور دونوں کا ایک بیٹا بھی ہے جس کا نام محمد سلطان خان ہے۔