بھارتی اداکار سلمان خان نے سعودی عرب میں ایک اور بڑا اعزاز اپنے نام کرلیا۔

اداکار نے فوٹو اینڈ ویڈیو شیئرنگ ایپ انسٹاگرام پر ریاض میں منعقد ہونے والی جوائے ایوارڈز کی تقریب سے ایوارڈ وصول کرتے ہوئے اپنی ایک تصویر شیئر کی ہے۔

حال ہی میں انہیں سعودی عرب میں پرسنیلیٹی آف دی ایئر کا ایوارڈ دیا گیا ہے ،اس تصویرکو شیئر کرتے ہوئے انہوں نے لکھا کہ بھائی ناصر، آپ سے ملنا اچھا لگا۔

واضح رہے کہ سعودی عرب نے انٹرٹینمنٹ انڈسٹری ​​کے لئے اپنے دروازے کھول دیے ہیں۔

آرٹس اینڈ کلچر فیسٹیولریاض سیزن2021 جوکہ ابھی ریاض میں جاری ہے اس کا اہتمام جنرل انٹرٹینمنٹ اتھارٹی نے کروایا ہے۔

اس کے تحت ریاض بھر میں 7,500 تقریبات کا انعقاد کروایا جائےگا جس میں موسیقی، کھیل اور فنون لطیفہ سے لے کر کھانے تک شامل ہیں۔