پاکستانی میوزک انڈسٹری کی معروف گلوکارہ حدیقہ کیانی نے اپنا نیا گانا ہمسفر ریلیز کردیا ہے۔

گلوکارہ کی جانب سے اپنے آفیشل اکاؤنٹ انسٹاگرام پر نئے البم وصل کا پوسٹر شیئر کیا گیا تھا۔

گزشتہ روز حدیقہ کیانی نے پوسٹر شیئر کرتے ہوئے گانے کی ریلیز کے حوالے سے بتایا تھا۔

انہوں نے اپنے نئے گانے کا لنک اپنے انسٹا اکاؤںٹ پر شیئر کر کے گانے کا نام بتایا تھا۔

 گلوکارہ نے اپنے گانے ہمسفر کا ٹیزر بھی اپنے انسٹا اکاؤنٹ پر شیئر کیا ہے۔

حدیقہ کیانی نے اپنے مداحوں  کے ساتھ اور اُن کی جانب سے ملنے والی محبت کا شکریہ بھی ادا کیا۔

واضح رہے کہ حدیقہ کیانی خود ہی اپنے گانے ہمسفر کی کمپوزر اور پروڈیوسر ہیں جبکہ گانے کے بول خاور کیانی نے لکھے ہیں اور موسیقار انتظام حسن بادشاہ ہیں۔

اس گانے کی ویڈیو عبداللہ حارث کی ہدایتکاری میں شوٹ کی گئی ہے جس میں مری کی خوبصورت پہاڑیوں کے مناظر دیکھے جاسکتے ہیں۔