شلپا شیٹی نے ان کی بہن شمیتا شیٹی کو ’’آنٹی‘‘ کہنے والوں کو کرارا جواب دے دیا۔

بگ باس 15 ختم ہو گیا لیکن لوگ اب بھی ریئلٹی شو پر بحث کر رہے ہیں، تیجسوی پرکاش نے سب سے زیادہ ووٹوں کے ساتھ ریئلٹی شو جیتا تاہم شمیتا شیٹی کے ساتھ ان کی دشمنی ختم نہیں ہوئی۔

بگ باس 15 کے ایک ٹاسک کے دوران تیجسوی نے شمیتا کو ’’آنٹی‘‘ کہا تھا، اگرچہ بگ باس 15 ختم ہو چکا ہے لیکن یہ موضوع ختم ہونے سے بہت دور ہے۔

حال ہی میں شلپا شیٹی نے تیجسوی کے تبصرے پر ردعمل کا اظہار کیا، 30  جنوری کو شلپا شیٹی کو بگ باس 15 کے سیٹ کے باہر دیکھا گیا۔

میڈیا نمائندوں نے اداکارہ سے ان کی بہن شمیتا کو ’’آنٹی‘‘ کہنے کے بارے میں پوچھا، اس کے جواب میں شلپا نے معاملے کے بارے میں کہا آپ لوگو کیا سوچتے ہیں۔

اداکارہ نے مزید کہا لگتی ہے کیا آنٹی؟ کیا وہ آنٹی لگتی ہیں؟ آنٹی کون ہے مجھے پتہ نہیں۔

یادرہے تیجسوی اور شمیتا کی ریئلٹی شو بگ باس میں ’’تو تو میں میں‘‘ چلتی رہی اور شو کے آخری دن تک تیجسوی اور شمیتا نے اپنے لڑائی جھگڑے کو دفن نہیں کیا تاہم تیجسوی نے شمیتا سے آنٹی کہنے پر معذرت کی لیکن شمیتا نے اسے قبول کرنے سے انکار کردیا۔