بالی ووڈ کی معروف اداکارہ دیپیکا پڈوکون نے اپنے شوہر و اداکار رنویر سنگھ کے لئے محبت بھرا پیغام جاری کیا ہے۔

اداکارہ نے حالیہ انٹرویو میں محبت کے بارے میں اپنے خیالات کا اظہار کرتے ہوئے کہا کہ اُن کی نظر میں محبت کا مطلب دوستی، اعتبار اور رابطے میں رہنا ہے۔

انہوں نے بتایا کہ وہ اور رنویر سنگھ کو ایک دوسرے سے ملے ہوئے 2022 میں 10 سال مکمل ہوجائیں گے۔

دیپیکا پڈوکون نے کہا کہ اپنی خامیوں اور خوبیوں کے ساتھ خود کو جاننےکے قابل ہونا اور یہ جاننا کہ آپ اپنا موازنہ کسی اور کے ساتھ کیے بغیر صحیح معنوں میں خود کو قبول کرسکتے ہیں۔

اُنہوں نے کہا کہ اُنہیں لگتا ہے یہ وہ اقدار ہیں جو وہ واقعی بہت پیار سے رکھتی ہیں۔

واضح رہے کہ اس جوڑی نے حال ہی میں کپل دیوکی زندگی پر بننے والی فلم 83 میں ایک ساتھ کام کیا ہے۔