پاکستان کی نامور اور سینیئر اداکارہ عفت عمر نے ڈراموں میں عورتوں پر ہونے والے مظالم کے حوالے سے اپنے خیالات کا اظہار کیا ہے۔

اداکارہ عفت عمر نے اپنے ایک حالیہ انٹرویو میں ڈراموں میں عورت پر ہونے والے تشدد پر  بات کی ہے۔

اداکارہ عفت عمر حالیہ طور پر ایک ڈرامے میں ماں کا کردار ادا کرتی ہوئی نظر آرہی ہیں جس کا بیٹا اپنی محبوبہ پر بہت ظلم کرتا ہوا نظر آتا ہے۔

اس ڈرامے کے متعلق بات کرتے ہوئے انہوں نے کہا ہے کہ ڈراموں میں مرد کا عورت پر ظلم دکھانے اور اسے تشدد کا نشانہ بنانے کے میں بہت خلاف ہوں ۔

انہوں نے کہا ہے کہ اس ڈرامے میں جو کچھ دکھایا جارہا ہے وہ غلط ہے اور اگر چینل دکھا بھی رہا ہے تو ضروری ہے کہ تنبیہ دی جائے کہ یہ غلط ہورہا ہے۔

ان کا کہنا تھا کہ میں اس پراجیکٹ کا حصہ ہوں اور کسی حد تک میں اس پر شرمندہ بھی ہوں۔

اداکارہ نے بتایا کہ اس ڈرامے میں ایک سین ٹھپر مارنے کا بھی تھا جس کے لئے میں نے سختی سے منع کیا تھا کہ کوئی کسی کے ساتھ ایسا نہیں کریگا۔