بھارتی اداکارہ کنگنا رناوت اکیڈمی ایوارڈز المعروف آسکرز میں کامیڈین کو تھپڑ رسید کرنے والے ول اسمتھ کے حق میں بول پڑیں۔

کنگنا رناوت نے ول اسمتھ کی جانب سے کامیڈین کو لگائے گئے تھپڑ کو درست قرار دے دیا ۔

انہوں نے انسٹاگرام اسٹوری پر اس واقعے کی تصویر شیئر کی اور کہا کہ اگر وہ ول اسمتھ کی جگہ پر ہوتیں تو یہی کرتیں۔

اداکارہ نے لکھا کہ اگر کوئی احمق میری والدہ یا میری بہن کی بیماری کا استعمال کرکے کچھ بیوقوفوں کو ہنسائے تو میں اسے اسی طرح تھپڑ ماروں گی جس طرح ول اسمتھ نے مارا۔

کنگنا نے لکھا کہ امید ہے وہ میرے پروگرام لاک اپ میں آئیں گے۔

واضح رہے کہ آسکرز 2022ء کی براہِ راست تقریب کے دوران ول اسمتھ نے بیوی کا مذاق اُڑانے پر امریکی کامیڈین کرس راک کو تھپڑ دے مارا تھا۔

جس کے بعد امریکی اسٹار کے اس رویے پر انہیں شدید تنقید کا نشانہ بنایا جارہا ہے۔