پاکستان کی معروف اداکارہ و ماڈل ماورا حسین نے اپنے ہونے والے شوہر میں متعلق بات کی ہے۔

گزشتہ دنوں شوبز انڈسٹری کی معروف فنکار بہنوں نے ایک ساتھ نجی ٹی وی چینل کے شو میں بطور مہمان شرکت کی۔

اداکارہ ماورا کا اپنی شادی سے متعلق پوچھے گئے سوال کے جواب میں کہنا تھا کہ اُنہیں نہیں معلوم کہ اُن کی شادی میں مزید دو یا تین سال لگیں گے۔

انہوں نے کہا کہ میرے خیال میں اِن سب امور کا وقت لکھا ہوتا ہے، جب اللّٰہ نے اُن کی شادی کا وقت لکھا ہوگا تو اُن کی شادی ہو جائے گی۔

ماورا حسین کا اپنے ہونے والے شوہر میں پائی جانے والی خوبیوں سے متعلق کہنا تھا کہ میرا ہونے والا شوہر والدہ کو بھی پسند ہونا چاہئیے۔

اداکارہ نے کہا کہ اس کے علاوہ وہ میرے سمیت ہر عورت ،ہر انسان کا احترام اور ہر کسی کی عزت کرے۔

انہوں نے کہا کہ ان کے ہونے والے شوہر میں اپنے کسی بھی خواب کو پانے کے لیے لگن ضرور ہونی چاہئیے۔