فیمنسٹس کے گروپ نے کانز فلم فیسٹیول میں ریڈ کارپیٹ پر ایرانی فلم ہولی اسپائیڈر کی نمائش کے خلاف احتجاج کیا۔

بین الاقوامی میڈیا کی رپورٹ کے مطابق اس گروپ نے ایک بینر پکڑا ہوا ہے اور فضاء میں دھوئیں کے شعلے چھوڑے۔

اس بینر پر 129 خواتین کے نام درج تھے جنہیں فیمینسٹ گروپ کے مطابق گزشتہ کانز فلم فیسٹیول کے بعد سے لے کر اب تک فرانس میں قتل کیا گیا ہے۔

یہ احتجاج فلم ہولی اسپائیڈر کی اسکریننگ سے پہلے ہوا، جس میں جسم فروشوں کو مارنے والے ایک مرد کا سراغ لگاتے ہوئے دکھایا گیا ہے۔

فلم ہولی اسپائیڈر کی کہانی سعید حنائی کی سچی کہانی پر مبنی ہے۔

سعید حنائی کا کہنا ہے کہ اس نے 2000 اور 2001 میں 16 خواتین کو خدا کی خاطر اور اپنے مذہب کے تحفظ کے لیے قتل کیا کیونکہ وہ طوائف تھیں اور دوسرے لوگوں کو خراب کر رہی تھیں۔