ایک فلم صحافی کے مطابق ایمبر ہرڈ کا آئندہ آنے والے ایکوا مین سیکوئل میں مبینہ طور پر 10 منٹ سے کم اسکرین ٹائم ہوگا۔

36 سالہ اداکارہ، جو اس فرینچائز میں مِیرا کا کردار ادا کر رہی ہیں، کو فی الحال اپنے سابق شوہر جونی ڈیپ کی جانب سے لاکھوں ڈالرز کا ہتک عزت کے مقدمے کا سامنا ہے۔

فلم صحافی گریس رینڈولف نے دعویٰ کیا ہے کہ ایمبر ہرڈ کے مداح ان کو ایکوا مین کے سیکوئل ایکوا مین اینڈ دی لاسٹ کِنگڈم میں زیادہ نہیں دیکھ سکیں گی۔

فلم کی ریلیز مارچ 2023 میں متوقع ہے۔

ایمبر ہرڈ کے کم اسکرین ٹائم کے متعلق خبریں اس پٹیشن کے نتیجے میں سامنے آئیں ہیں جس پر ان کو فلم سے نکالنے کے حق میں 20 لاکھ سے زائد افراد نے دستخط کیے ہیں۔

تاہم اس بات کا علم نہیں ہے کہ ایمبر ہرڈ کا کردار اس سیکوئل قصداً اتنا ہی تھا یا ان کا کردار جونی ڈیپ کے خلاف ان کی قانونی جنگ کی وجہ سے کم کیا گیا ہے۔

واضح رہے ڈِیزنی نے جونی ڈیپ کو بطور کیپٹین جیک اسپیرو پائریٹس آف دی کیریبیئن کی پانچویں فلم سے ایمبر ہرڈ کی جانب سے عائد کیے گئے الزامات کے بعد نکال دیا گیا تھا۔

اب 20 لاکھ سے زائد افراد نے ایک پیٹیشن پر دستخط کیے ہیں جس میں یہ بات سامنے آنے کے بعد کہ مبینہ طور پر انہوں نے اداکار پر تشدد کیا ہے، یہ مطالبہ کیا گیا ہے کہ ان کو ایکوا مین میں پرنسز مِیرا کے کردار سے نکالا جائے۔