کوک اسٹوڈیو سیزن 14 کے مشہور پنجابی گانے ’پسوڑی‘ سے شہرت حاصل کرنے والی گلوکارہ شئے گِل نے مداحوں کو اہم خبر سے آگاہ کر دیا۔

گلوکارہ شئے گِل اب نئے پراجیکٹ میں بلال مقصود کے ساتھ نظر آئیں گی۔

پاکستان کے معروف گلوکار بلال مقصود نے فوٹو اینڈ ویڈیو شیئرنگ ایپ انسٹاگرام پر شئے گِل کے ساتھ اپنی ایک سیلفی شیئر کی ہے۔

انسٹاگرام پر شئیر کی گئی تصویر کی کیپشن میں گلوکارہ نے لکھا کہ ’نئے پراجیکٹ پر شئے گِل کے ساتھ کام کرنے کا تجربہ بہت اچھا رہا‘۔

اُنہوں نے مزید لکھا کہ’میں اسے آپ سب کے ساتھ شیئر کرنے کا بے صبری سے انتظار کررہا ہوں‘۔

واضح رہے گلوکار نے ابھی اپنے اس نئے پراجیکٹ کی کوئی تفصیلات نہیں بتائی ہیں۔