ہالی ووڈ کی اداکارہ یمبر ہرڈ نے سابق شوہر جانی ڈیپ کی طرف سے ہتک عزت کے مقدمے میں اپنے خلاف فیصلے پر اہم انکشاف کردیا۔

غیر ملکی خبررساں ادارے کے مطابق کو انٹرویو دیتے ہوئے اداکارہ نے کہا کہ ان کے خلاف فیصلہ غیرمنصفانہ ہے۔

ایمبر ہرڈ کا کہنا تھا کہ سوشل میڈیا پر جانبدارانہ رائے عدالتی فیصلے پر اثرانداز ہوئی اور جانی ڈیپ نے عدالتی کٹہرے میں گواہیوں کے لیے پیسے دے کر لوگوں کو بلایا۔

اداکارہ نے جمعرات کو انٹرویو ریکارڈ کروایا تھا، یہ انٹرویو تین حصوں میں ریکارڈ کیا گیا جس کا پہلا حصہ آج صبح نشر ہوچکا ہے۔

انہوں نے اپنے سابق شوہر کے بارے میں کہا کہ جانی ڈیپ نے عدالتی کٹہرے میں شاندار اداکاری کی جس کی وجہ سے وہ مقدمہ جیت گیا۔

واضح رہے کہ امریکی ریاست ورجینیا کی عدالت میں رواں برس 11 اپریل کو جانی ڈیپ کی طرف سے ایمبر ہرڈ کے خلاف دائر کردہ ہتک عزت کے دعوے کی سماعت شروع ہوئی۔

یکم جون کو سنایا گیا عدالتی فیصلہ جانی ڈیپ کے حق میں رہا۔

ایمبر ہرڈ نے کہا کہ عدالت نے سوشل میڈیا پر جاری مباحثوں سے متاثر ہو کر فیصلہ دیا۔