بھارت کی مشہور اور بگ باس 13 سے شہرت پانے والی اداکارہ شہناز گل اکثر اپنی تصاویر اور ویڈیوز کی وجہ سے سرخیوں میں رہتی ہیں۔

حال ہی میں اداکارہ نے اپنے انسٹاگرام اکاؤنٹ پر ایک ویڈیو شیئر کی جس کی وجہ سے انہیں شدید تنقید کا سامنا کرنا پڑا۔

شیئر  کی گئی ویڈیومیں دیکھا جا سکتا ہے کہ شہنازگل  غروب آفتاب کے وقت سمندر کے بیچ و بیچ کسی کشتی پر سوار ہیں جہاں و ہ  بھارتی گلوکار اریجیت سنگھ کے مشہور گانے’دل نہ جانیا‘ پر پول ڈانس کر رہی ہیں۔

ویڈیو میں دیکھا جا سکتا ہے کہ اداکارہ نے سیاہ رنگ  کے کپڑے زیب تن کیے ہوئے ہیں۔

ویڈیو وائرل ہوتے ہی کچھ لوگوں نے ادکارہ کی تعریف کی جبکہ کچھ لوگوں نے انہیں شدید تنقید کا نشانہ بنایا۔

دوسری جانب اداکارہ اس وقت سپر اسٹار سلمان خان کی آنے والی فلم ’کبھی عید کبھی دیوالی‘ کی شوٹنگ میں مصروف ہیں۔

اس فلم میں آیوش شرما اور پوجا ہیگڑے بھی اہم کردار ادا کر رہے ہیں۔