پاکستان کی خوبرو اداکارہ حبا بخاری کو آریز سے قبل بھی شادی کی پیشکش ہوئی تھی۔

حبا بخاری نے ایک شو میں شرکت کی جہاں انہوں نے اپنی نجی زندگی سے متعلق بھی گفتگو کی جس کی ویڈیو سوشل میڈیا پر وائرل ہوگئی ہے۔

انہوں نے دوران شو بتایا کہ آریز سے پہلے بھی مجھے کافی لوگوں نے شادی کی پیشکش کی۔

اداکارہ کا کہنا تھا کہ میں ان لوگوں کو کہتی تھی جا کے والدین سے پوچھو  کیونکہ مجھے پتہ تھا آگے امی، ابو بیٹھے ہیں۔

اداکارہ نے اپنے شوہر کے بارے بات کرتے ہوئے کہا کہ میں اور آریز ڈرامے کے سیٹ پر کام کررہے تھے جہاں مجھے آریز نے شادی کے لئے پرپوز کیا، وہ مجھے دیکھ رہے تھے میں ان سے کہہ رہی تھی کہ نہیں دیکھیں، پھر انہوں نے نہیں دیکھا۔

انہوں نے بتایا کہ مجھے آریز نے جب شادی کے لیے کہا تو میں نے کہا ہاں ٹھیک ہے امی، ابو سے پوچھ لو کیونکہ ہم دونوں جانتے تھے کہ ہم نے بات آگے چلائی تو شادی پر ہی ختم ہوگی۔

واضح رہے کہ حبابخاری متعدد سپرہٹ ٹی وی ڈراموں میں اپنی اداکاری کے جوہر دکھا چکی ہیں۔

اداکارہ حبا بخاری اور اداکار آریز کی شادی رواں سال کے پہلے ماہ سرانجام پائی ہے۔