پاکستانی اداکارہ علیزے شاہ نے قومی کرکٹ ٹیم کے سابق فاسٹ بالر شعیب اختر پر میم بنانے والوں کو آڑے ہاتھوں لے لیا۔

شعیب اختر ان دنوں فریضۂ حج کی ادائیگی کے لیے سعودی عرب میں موجود ہیں جس کی اطلاع اُنہوں نے اپنی سوشل میڈیا پوسٹ کے ذریعے دی تھی۔

پوسٹ وائرل ہوتے ہی جہاں اُن کے مداحوں نے اُن کے لیے نیک خواہشات کا اظہار کیا تو وہیں کچھ لوگوں نے میمرز بنانی شروع کردیں۔

ایک میمر نے ٹوئٹ کیا کہ رواں سال تو شیطان کو سب سے تیز رفتار سے کنکر پڑنے والے ہیں۔

علیزے شاہ نے اس میم پر رد عمل دیتے ہوئے طنزیہ انداز میں کہا کہ اب کیا ہم اسے میم بولیں۔

انہوں نے کہا کہ یاد رکھیں، مذاق کرنے اور مذاق اُڑانے میں زمین آسمان کا فرق ہے۔

یاد رہے کہ شعیب اختر نے اپنے مداحوں کو ٹوئٹ میں بتایا تھا کہ وہ سعودی عرب کے سرکاری مہمان کی حیثیت سے فریضۂ حج کی ادائیگی کے لیے روانہ ہو رہے ہیں۔