بالی ووڈ اداکار اسٹار شاہ رخ خان نے چند ماہ قبل اپنی نئی فلم ‘پٹھان’ کے سیٹ پر لی گئی تصویر سے سب کو حیران کردیا تھا۔

 اداکار شاہ رخ خان کی  جانب سے شئیر کی جانے والی تصویر میں دیکھا جا سکتا تھا کہ وہ شرٹ پہنے بغیر کھڑے تھے اور انہوں نے دونوں ہاتھوں میں ورزش کرنے والی ڈوریاں تھام رکھی تھیں۔

تصویر دیکھ کر اندازہ لگایا جا سکتا ہے کہ نئی فلم کے لیے شاہ رخ خان نے اپی باڈی بنانے کے لیے بہت کام کیا ہے۔

کیونکہ اداکارہ انسٹاگرام پر وائرل ہونے والی تصویر میں خاصہ فٹ اور تندرست نظر آ رہے ہیں۔

اسی حوالے سے بات کرتے ہوئے ان کے ٹرینر پرشانت سبھاش ساونت نے بتایا کہ ہم پچھلے چار سال سے صرف اس فلم کے لیے ٹریننگ کر رہے تھے۔

ان کا کہنا تھا کہ میں شاہ رخ خان کو پچھلے 24 سال سے ورزش کروا رہا ہوں۔

تاہم  عالمی وبا کورونا وائرس کے بعد سے ہماری ٹریننگ میں کچھ فرق آیا تھا لیکن شاہ رخ مستقل مزاجی سے ورزش کرتے رہے۔

ٹرینر نے کہا کہ پہلے ہم سرکٹ ٹریننگ اور کارڈیو ورک آؤٹس زیادہ کرتے تھے لیکن اب ہم نے توانائی بڑھانے کے لیے کچھ ورزشوں کا اضافہ کیا جس کی وجہ سے شاہ رخ بہت اچھے اور بڑے نظر آرہے ہیں۔

ان کا کہنا تھا کہ ہمیں یہ وضع قطع بنانے کے لیے دو سال لگے، کنگ خان بالکل بدل گئے ہیں۔

ٹرینر نے بتایا کہ شاہ رخ خان کی غذا باقاعدہ طور پر پلان کے تحت بنائی جاتی۔

 اس میں کاربوہائیڈریٹس، چکنائی اور پروٹین سب چیزوں کی تفصیلات جانچی جاتی تھی۔

ان کا کہنا تھا کہ بالی ووڈ سپر اسٹار دوران ورزش کئی بار زخمی بھی ہوئے لیکن انہوں نے ہر بار روبہ صحت ہونے کے بعد زیادہ وزن اٹھایا، زیادہ ورش کی، ان کا نظم و ضبط قابل تعریف ہے۔

واضح رہے کہ ‘پٹھان’ میں دیپیکا پڈوکون اور جان ابراہم بھی شامل ہیں اور یہ فلم اگلے سال 25 جنوری کو ریلیز ہوگی۔