پاکستانی فلموں کے مایہ ناز اداکار مصطفیٰ قریشی کی اہلیہ معروف، سینئر گلوکارہ روبینہ قریشی کراچی میں  انتقال کر گئیں۔

روبینہ قریشی طویل عرصے سے کینسر میں مبتلا تھیں، ان کے انتقال کی تصدیق اُن کے اہلِخانہ نے کی ہے جبکہ اُن کی نمازِ جنازہ عصر کی نماز کے بعد عبداللّٰہ شاہ غازی کے مزار پر ہوگی اور تدفین بھی وہیں ہوگی۔

واضح رہے کہ روبینہ قریشی کا اصل نام عائشہ قریشی تھا، وہ 1940ء میں حیدرآباد میں پیدا ہوئیں، انہوں نے سندھ یونیورسٹی سے مسلم ہسٹری میں ماسٹرز کیا تھا۔

گلوکارہ نے سندھی کے علاوہ اردو، پنجابی اور سرائیکی گیت بھی گائے۔

اداکار مصطفیٰ قریشی سے شادی کے بعد روبینہ قریشی 1970ء میں لاہور منتقل ہو گئی تھیں۔