بھارتی ٹیلی ویژن کے مقبول ترین شو دی کپل شرما شو کی نئے انداز سے واپسی کی تیاری مکمل کرلی گئی ہے۔

کپل شرما کی ٹیم نے سوشل میڈیا کے ذریعے جاری پیغام میں نئے سیزن کے جلد شروع ہونے کا اعلان کیا اور بتایا کہ اس بار کچھ نئے چہرے بھی شو کا حصہ ہونگے ۔

ٹیم کی جانب سے انسٹا گرام پوسٹ میں کہا گیا ہے کہ ٹی کے ایس ایس  نئے فیملی ممبر کے ساتھ جلد آن ائیر ہوگا۔

اس پوسٹ پر شائقین نے نئے سیزن کی آمد پر خوشی کا اظہار کرتے ہوئے اداکار سنیل گروور (ڈاکٹر مشور گلاٹی) کی واپسی سے متعلق سوالوں کی بوچھاڑ کردی۔

مداحوں کا خیال ہے کہ ڈاکٹر گلاٹی کی واپسی شو کو چار چاند لگادے گی۔

یاد رہے کے چند سال قبل کپل شرما اور سنیل گرور میں ہونے والے جھگڑے کے بعد سنیل گرور پاپولر کامیڈی شو سے دستبردار ہوگئے تھے۔