پاکستانی کین ڈول نے اپنے مداحوں کو اپنی ناک کی قیمت بتا دی ہے۔

حال ہی میں عدنان ظفر عرف پاکستانی کین ڈول کی ویڈیو سوشل میڈیا پر وائرل ہو گئی ہے جس میں انہوں نے اپنے مداحوں کو ایک خاص پیغام دیا ہے۔

ویڈیو میں دیکھا جاسکتا ہے کہ عدنان ظفر عرف پاکستانی کین ڈول نے کہا ہے کہ باجی خدا کی قسم میں نے کسی ڈرامے میں کام نہیں کیا آپ جس کی بات کر رہی ہیں ان کی بہت خوبصورت قدرتی ناک ہے لیکن میری ناک کی قیمت 15 لاکھ ہے اور یہی ہم میں فرق ہے۔

یاد رہے کہ عدنان ظفر عرف پاکستانی کین ڈول کو پاکستان شوبز انڈسٹری کے ابھرتے اداکار خوشحال خان کا ہمشکل قرار دیا جا رہا تھا جس پر انہوں نے ردعمل دیا ہے۔

واضح رہے کہ 1961ء میں فکشنل کردار کین ڈول کو متعارف کروایا گیا تھا جو اب عدنان ظفر عرف پاکستانی کین ڈول نے سرجری کروا کر روپ دھارا ہوا ہے۔