پاکستانی گلوکار علی سیٹھی ایک اور بڑا اعزاز اپنے نام کرنے میں کامیاب ہوگئے۔

معروف گلوکار امریکی جریدے ٹائم میگزین کی سالانہ ’100 نیکسٹ‘ فہرست میں اپنا نام شامل کروانے میں کامیاب ہو گئے ہیں۔

شہرہ آفاق امریکی جریدے ٹائم میگزین کی جانب سے ’100 نیکسٹ‘ فہرست جاری کی گئی ہیں جس میں دنیا بھر کی 100 بہترین شخصیات کو شامل کیا گیا ہے، جس میں پاکستانی گلوکار علی سیٹھی کو بھی شامل کیا گیا ہے جو کہ پاکستانی میوزک انڈسٹری کے لیے ایک اعزاز کی بات ہے۔

یاد رہے کہ رواں برس کوک اسٹوڈیو میں علی سیٹھی اور گلوکارہ شَہہ گِل کی جانب سے گائے گئے گانے پسوڑی کو دنیا بھر میں خوب پزیرائی ملی۔