بھارت کے مشہور کپل شرما شو کے نئے سیزن میں ایک اور بھارتی کامیڈین نے شو چھوڑنے کی وجہ بتادی ہے۔

کپل شرما شو کے نئے سیزن میں چندو چائے والا (چندن پربھاکر) نظر نہیں آئیں گے۔

چندن پربھاکر سے ایک انٹرویو کے دوران سوال کیا گیا کہ کیا وہ شو کے نئے سیزن میں اسکرین پر نظر آئیں گے؟ جواب میں انہوں نے کہا کہ نہیں۔

معروف کامیڈین نے کہا کہ اس نئے سیزن میں شامل نہ ہونے کی کوئی خاص وجہ نہیں ہے بس صرف کام سے کچھ عرصے کے لیے بریک لینا چاہتا ہوں۔

واضح رہے کہ چندن نے لافٹر چیلنج 2007 میں اپنے فنی کیریئر کا آغاز کیا تھا۔

کپل شرما شو میں حوالدار ہرپال سنگھ، جھنڈا سنگھ، راجو اور چندو چائے والا کے ناموں سے انہیں جانا جاتا ہے۔