پشتو زبان کے معروف لوک گلوکار معین علی انتقال کرگئے۔

تفصیلات کے مطابق  پشتو زبان کے معروف لوک گلوکار معین علی 80 سال کی عمر میں راولپنڈی کے اسپتال میں انتقال کر گئے۔  ان کی صحت کافی عرصے سے خراب تھی۔

گلوکار معین علی کی نماز جنازہ میں علاقہ مکینوں اور فنکاروں نے شرکت کی ۔ بعد ازاں انہیں مقامی علاقے کے قبرستان میں سپرد خاک  کردیا گیا۔

مرحوم نے پسماندگان میں چار بیٹے، تین بیٹیاں اور ایک بیوہ سوگوار چھوڑی ہے۔

 معین علی کا تعلق ضلع کوہاٹ سے تھا لیکن وہ تقریباً 35 سال قطر میں گزارنے کے بعد پاکستان واپسی پر راولپنڈی  منتقل ہوگئے تھے۔