بھارت کی معروف اداکارہ مادھوری نے ممبئی میں 48 کروڑ کا لگژری اپارٹمنٹ خرید لیا ہے۔

حال ہی میں اداکارہ کی جانب سے خریدے گئے لگژری اپارٹمنٹ کی تصاویر سوشل میڈیا پر وائرل ہو گئی ہیں۔

 بھارتی میڈیا رپورٹس کے مطابق اداکارہ نے انڈیا بلز بلو پروجیکٹ میں گزشتہ ماہ 8 ستمبر کو بک کروایا تھا۔

  تصاویر میں دیکھا جاسکتا ہے کہ اس سوسائٹی میں سوئمنگ پول، فٹ بال گراؤنڈ، ٹینس کورٹ، اسکواش کورٹ، جم، کرکٹ نیٹ اور بیڈمنٹن کورٹ بھی موجود  ہیں۔

 اس سے قبل اداکارہ مادھوری اسی پروجیکٹ کی 29 ویں منزل پر لیز پر لیے ہوئے اپارٹمنٹ میں رہائش پذیر تھیں، جسکا کا کرایہ 12.5 لاکھ روپے ماہانہ تھا۔

کنگنا رناوت نے مادھوری ڈکشٹ کو لیجنڈ قرار دے دیا

بالی ووڈ کی معروف اداکارہ کنگنا رناوت نے اداکارہ مادھوری ڈکشٹ کو لیجنڈ قرار دے دیا۔

 کنگنا رناوت نے اپنی انسٹا اسٹوری پر مادھوری ڈکشٹ کی فلم ہم آپ کے ہیں کون کے ٹائٹل سانگ سے ایک ویڈیو کلپ شیئر کیا۔

اداکارہ نے یہ ویڈیو شیئر کرتے ہوئے لکھا کہ میں نے ابھی اپنی نائٹ شفٹ مکمل کی ہے جس کے بعد سب سے اچھی بات یہ ہوئی کہ مجھے اپنے انسٹاگرام اکاؤنٹ کی ٹائم لائن پر یہ ویڈیو کلپ ملا۔

اُنہوں نے لکھا کہ صرف لیجنڈز ہی ایک سنگل شوٹ کے لیے اتنی دیر تک اتنے اچھے انداز میں ٹھہر سکتے ہیں۔

واضح رہے کہ مادھوری ڈکشٹ نے بھی 2020 میں ایک انٹرویو کے دوران کنگنا رناوت کی تعریف کرتے ہوئے کہا تھا کہ کنگنا بہت اچھی اداکارہ ہیں، وہ کسی بھی کردار میں جلد اپنے آپ کو ڈھال لیتی ہیں۔

اس سے قبل اداکارہ کنگنا رناوت نے اپنے انسٹاگرام پر مہیش بھٹ کی پرانی ویڈیو پوسٹ کی تھی جس کے کیپش میں لکھا تھا کہ یہ لوگوں کو شاعری کے ذریعے تشدد پر اکساتے ہیں۔

انہوں نے لکھا کہ مہیش بھٹ مسلمان ہو چکے ہیں اور وہ اپنا اصلی نام اسلم لوگوں سے چھپاتے ہیں۔

یاد رہے کہ مہیش بھٹ اور کنگنا رناوت کے درمیان تعلقات 2020 سے ٹھیک نہیں ہیں اور اس کی وجہ یہ ہے کہ مہیش بھٹ کی بیٹی نے دھوکہ فلم میں کنگنا رناوت کو کردار دینے سے انکار کر دیا تھا۔