نیمل خاور کی سادگی مداحوں کو بھا گئی
پاکستان کی معروف اداکارہ نیمل خاور کی تصاویر سوشل میڈیا پر وائرل ہو گئی ہیں۔
حال ہی میں اداکارہ نے اپنے انسٹاگرام اکاؤنٹ پر چند تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔
شیئر کی گئی تصاویر میں دیکھا جاسکتا ہے کہ اداکارہ نے خوبصورت مشرقی لباس زیب تن کیا ہوا ہے جس میں وہ بہت پیاری لگ رہی ہیں۔
اس سے قبل سوشل میڈیا کے مختلف پیجز پر وائرل تصاویر میں اداکارہ جم میں موجود تھیں۔
نیمل خاور کے چہرے پر جم میں ورک آؤٹ کے بعد کی چمک کو دیکھ کر ان کے مداح حیران رہ گئے تھے۔
سابقہ اداکارہ کے چہرے کی چمک نے انکی خوبصورتی میں مزید اضافہ کردیا اور مداح بھی تعریف کیے بغیر نہ رہ سکے۔
گزشتہ دنوں اداکارہ نیمل کی جانب سے اپنے انسٹاگرام اکاؤنٹ پر نئے فوٹو شوٹ کی چند تصاویر شئیر کی گئی تھیں۔
شئیر کی گئی تصاویر میں نیمل خاور کو الگ الگ لباس میں دیکھا گیا تھا۔
ایک جگہ انہوں نے گلابی رنگ کا عروسی لباس پہنا ہوا تھا اور ساتھ میں جس جیولری کا انتخاب کیا وہ انکی خوبصورتی میں چارچاند لگا رہی تھی۔
یاد رہے کہ نیمل خاور ایک فنکارہ ہیں اور انہوں نے ماہرہ خان کی فلم ورنا سے اپنی اداکاری کا آغاز کیا، بعد ازاں انہوں نے ڈراموں میں اپنی اداکارانہ صلاحیتوں سے سب کا دل جیت لیا۔
اداکار حمزہ علی عباسی سے شادی کے بعد اداکارہ نے شوبز کو خیرباد کہہ دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News