معروف امریکی اداکار جانی ڈیپ کو نئی ویڈیو میں پہچاننا مشکل ہوگیا۔

وائرل ویڈیو میں جانی ڈیپ کو بالکل نئے روپ میں دیکھا جاسکتا ہے، جس میں وہ اپنی مشہور فلم ’پائریٹس آف دی کیریبین‘ کے کردار ’کیپٹن جیک اسپیرو‘ کے روپ میں بغیر داڑھی کے نظر آرہے ہیں۔

ویڈیو کو شیئر کرتے ہوئے کیپشن لکھا گیا ہے کہ کیپٹن جیک اسپیرو گھر آئے ہیں۔

یہ ویڈیو جانی ڈیپ کی اپنی ایک معذور مداح سے ملا قات کے دوران بنائی گئی ہے، جسے سوشل میڈیا صارفین کی جانب سے بہت پسند کیا جارہا ہے اور ان کی تعریفیں کی جارہی ہیں۔

یاد رہے کہ 2000ء کی دہائی میں جانی ڈیپ کو والٹ ڈزنی کی مشہور فلم سیریز ’پائریٹس آف دی کیریبین‘میں’کیپٹن جیک اسپیرو‘ کے کردار سے عالمی سطح پر ناقابلِ یقین شہرت حاصل ہوئی تھی۔