بھارتی ریئلٹی شو بگ باس (او ٹی ٹی) میں شامل اداکارہ عرفی جاوید نے پاکستانی اداکارہ ہانیہ عامر کا اسٹائل کاپی کرلیا۔

اداکارہ کی جانب سے فوٹو اینڈ ویڈیو شیئرنگ ایپ انسٹاگرام پر ایک نئی ویڈیو شیئر کی گئی ہے۔

شئیر کی گئی ویڈیو میں وہ ہانیہ عامر کے مشہور کردار ’ہالا‘ کے اسٹائل کو کاپی کیے ہلکے گلابی رنگ کے کپڑے پہنے بہت خوبصورت نظر آرہی ہیں۔

ویڈیو شیئر کرتے ہوئے انہوں نے لکھا کہ یہ ویڈیو صرف اس لیے بنائی ہے کیونکہ میں ہالا اور ہانیہ سے پیار کرتی ہوں۔

دوسری جانب ہانیہ عامر بھی اس ویڈیو پر عرفی جاوید کی تعریف کیے بغیر نہ رہ سکیں اور لکھا کہ آپ بہت خوبصورت لگ رہی ہیں۔

وائرل ویڈیو کو دیکھنے کے بعد سوشل میڈیا صارفین کی جانب سے عرفی جاوید کے اس اسٹائل کو بہت پسند کیا جارہا ہے اور تعریفی کمنٹس کا سلسلہ بھی جاری ہے۔