معروف بالی ووڈ ڈائریکٹر کرن جوہر نے خود کو عالیہ بھٹ اور رنبیر کپور کی بیٹی کا نانا قرار دے دیا ہے۔

دو روز قبل اداکارہ عالیہ بھٹ نے سوشل میڈیا کی فوٹو اینڈ ویڈیو شئیرنگ ایپ انسٹاگرام پر ایک اسٹوری پوسٹ کی جس میں انہوں نے بیٹی کی پیدائش کی اطلاع دی۔

اداکارہ نے اپنی پوسٹ میں ایک کارڈ شیئر کیا جس پر لکھا تھا کہ “ہماری زندگی کی بہترین خبر آگئی، اب ہم والدین بن چکے ہیں، ہماری بیٹی ہمارے پاس آگئی ہے”۔

عالیہ بھٹ کی انسٹاگرام پوسٹ پر بالی ووڈ انڈسٹری کے نامور فنکاروں نے مبارکباد پیش کی جبکہ مداحوں کی جانب سے بھی نیک خواہشات کا اظہار کیا گیا۔

کرن جوہر نے انسٹاگرام پر عالیہ اور رنبیر کے ساتھ شادی پر لی گئی ایک سیلفی شیئر کی جس میں انہوں نے ننھی بچی کو دنیا میں خوش آمدید کرتے ہوئے کہا کہ میرا دل محبت سے بھرا ہوا ہے، بہت سارا پیار آپ کا انتظار کر رہا ہے۔

انہوں نے عالیہ اور رنبیر کو ٹیگ کرتے ہوئے ان سے محبت کا اظہار کیا اور کہا کہ میں نانا بننے پر فخر محسوس کر رہا ہوں۔